"Барселона" ҳужумчиси Серхио Агуэро "Олтин тўп"ни ютиш учун унга нима етишмаслиги ҳақида ўз фикрлари билан ўртоқлашди.

"Менга нима етишмаётгани ҳақида кўп ўйладим ва бир марта Лионельга бу ҳақда савол бердим. Месси "Олтин тўп"ни олиш учун Чемпионлар лигасида ғалаба қозониш кераклигини айтди. Ва у ҳақ. Бу масалада унвонлар муҳим аҳамиятга эга. Мен ажойиб мавсумларни ўтказдим, кўп гол урдим ва кўп ютдим, лекин Чемпионлар лигаси финалида ўйнамадим. "Сити" билан финалга чиққанимизда, соғлигимда муаммолар борлиги сабаб афсуски ўйинда иштирок этмагаг эдим ,- дея Агуэро сўзларидан иқтибос келтиради "El Pais" нашри.

Эслатиб ўтамиз, 33 ёшли ҳужумчи ўтган мавсум "Манчестер Сити" таркибида 12 ўйинда майдонга тушиб, 4 гол урди ва 1 голга узатма берди.