«Барселона» ярим ҳимоячиси Ансу Фати билан янги шартнома борасида келишиб олди.
Диарио Спорт ёзишича, ярим ҳимоячи 2027 йилнинг ёзига қадар шартнома имзолайди. Душанба куни «Барса» директори Матеу Алемани футболчининг агенти Хорхе Мендес билан учрашди. Томонлар янги шартнома борасида принтсипиал келишувга эришдилар.
Шартномада товон пули 1 миллиард евро қилиб белгиланади.
Фатининг амалдаги шартномаси 2022 йилнинг ёзида тугайди, аммо шартномада уни яна 2 мавсумга узайтириш имконияти бор эди. «Барселона» бундан фойдаланмоқчи эмас эди ва Ансу билан ҳамкорликнинг янги шартлари тўғрисида келишмоқчи эди.
«Барса» якшанба куни Классико олдидан Фати билан янги шартнома эълон қилмоқчи.
