Чемпионлар Лигаси гуруҳ босқич 3-тур доирасида «Бенфика» ўз майдонида «Бавария» билан беллашди ва якунда 0:4 ҳисобида мағлубиятга учради.

Учрашувда голларни Лерой Сане (дубль), Эвертон (автогол) ва Роберт Левандовски киритишди. Мазкур баҳснинг энг яхши футболчиси деб мюнхенликлар ҳужумкор ярим ҳимоячиси Кингсли Коман топилди.

Франциялик футболчи Португалия клуби устидан қозонилган йирик ғалабадан сўнг ўз фикрлари билан бўлишди.

"Рақиб яхши жамоа, улар яхши ҳаракат қилишди. Аммо, иккинчи голдан кейин кўплаб имкониятларга эга бўлдик ва улардан фойдалана олдик. Ўзимни жуда яхши ҳис қиляпман, юрагимдаги муаммодан кейин яна ўйнаётганимдан жуда ҳам хурсандман".

Бавария" сардори Мануэл Нойер Чемпионлар Лигаси мусобақасида юбилей 100-ўйинини ўтказди ва ўз фикрлари билан ўртоқлашди.

"Ўйлашимча, бугуни ўйинда иккинчи бўлим ақлбовар қилмас даражада ўтди. Ўйинни бироз бериб қўйган бўлсак ҳам, назоратни қўлга олди, аммо ҳақиқатан рақибни янчиб ташлай олмадик. Биринчи голдан кейин, бизга осонроқ бўлди. Биз учун ажойиб кеча.

Бу юбилей жуда катта натижа. Бундай бўлишига ҳеч қачон ошонмагандим. Кимдир фаолиятим бошида менга бундай бўлишини айтганида, бунга ишонмасдим. Ажойиб онлар ва бизда жуда кўп оломон тўпланди".

«Бавария» вингери Лерой Сане ҳам ўз фикрлари билан ўртоқлашди.

"Ўйлайманки, жуда ҳам яхши ўйин кўрсатдик. Ҳатто биринчи бўлимда ҳам. Ҳужумда вазиятларни бундан ҳам бироз яхшироқ якунлашимиз мумкин эди. Ўйиндан шунчаки бахтиёрман. Биз ўз ўйинимизни қилишимиз ва сабрли бўлишимиз лозим, якунда барчаси самара беради".

«Бенфика» ҳужумчиси Дарвин Нунес ҳам ўйиндан кейин фикрларини айтиб ўтди.

"Бу адолатсизлик бўлдими, билмайман. Аммо, «Бавария» жуда зўр ўйин кўрсатди. Биз биринчи бўлимда яхши ҳаракат қилдик. Иккинчи бўлимда иккита вазиятга эга бўлдик. Агар шу иккаласини ёки ҳеч бўлмаганда биттасини голга айлантира олганимизда, ўйин бошқача бўларди".

«Бенфика» бош мураббийи Хорхе Жезус ҳам учрашувдан сўнг фикрлари билан бўлишди.

"Биз доим ўйинда бўлдик. Нойер иккита ажойиб сейв амалга оширган ҳолда, воқеалар ривожини ўзгартириб юборди. Ўйиндан келиб чиқиб, натижани қабул қилиш оғир. Натижа бошқача бўлиши лозим эди. Тўртта гол ўтказиб юборишга лойиқ эмасдик. «Бавария»нинг кучга тўла футболчилари ўйинни ўзгартириб юборишди".