Chempionlar Ligasi guruh bosqich 3-tur doirasida «Benfika» o‘z maydonida «Bavariya» bilan bellashdi va yakunda 0:4 hisobida mag‘lubiyatga uchradi.

Uchrashuvda gollarni Leroy Sane (dubl), Everton (avtogol) va Robert Levandovski kiritishdi. Mazkur bahsning eng yaxshi futbolchisi deb myunxenliklar hujumkor yarim himoyachisi Kingsli Koman topildi.

Fransiyalik futbolchi Portugaliya klubi ustidan qozonilgan yirik g‘alabadan so‘ng o‘z fikrlari bilan bo‘lishdi.

"Raqib yaxshi jamoa, ular yaxshi harakat qilishdi. Ammo, ikkinchi goldan keyin ko‘plab imkoniyatlarga ega bo‘ldik va ulardan foydalana oldik. O‘zimni juda yaxshi his qilyapman, yuragimdagi muammodan keyin yana o‘ynayotganimdan juda ham xursandman".

Bavariya" sardori Manuel Noyer Chempionlar Ligasi musobaqasida yubiley 100-o‘yinini o‘tkazdi va o‘z fikrlari bilan o‘rtoqlashdi.

"O‘ylashimcha, buguni o‘yinda ikkinchi bo‘lim aqlbovar qilmas darajada o‘tdi. O‘yinni biroz berib qo‘ygan bo‘lsak ham, nazoratni qo‘lga oldi, ammo haqiqatan raqibni yanchib tashlay olmadik. Birinchi goldan keyin, bizga osonroq bo‘ldi. Biz uchun ajoyib kecha.

Bu yubiley juda katta natija. Bunday bo‘lishiga hech qachon oshonmagandim. Kimdir faoliyatim boshida menga bunday bo‘lishini aytganida, bunga ishonmasdim. Ajoyib onlar va bizda juda ko‘p olomon to‘plandi".

«Bavariya» vingeri Leroy Sane ham o‘z fikrlari bilan o‘rtoqlashdi.

"O‘ylaymanki, juda ham yaxshi o‘yin ko‘rsatdik. Hatto birinchi bo‘limda ham. Hujumda vaziyatlarni bundan ham biroz yaxshiroq yakunlashimiz mumkin edi. O‘yindan shunchaki baxtiyorman. Biz o‘z o‘yinimizni qilishimiz va sabrli bo‘lishimiz lozim, yakunda barchasi samara beradi".

«Benfika» hujumchisi Darvin Nunes ham o‘yindan keyin fikrlarini aytib o‘tdi.

"Bu adolatsizlik bo‘ldimi, bilmayman. Ammo, «Bavariya» juda zo‘r o‘yin ko‘rsatdi. Biz birinchi bo‘limda yaxshi harakat qildik. Ikkinchi bo‘limda ikkita vaziyatga ega bo‘ldik. Agar shu ikkalasini yoki hech bo‘lmaganda bittasini golga aylantira olganimizda, o‘yin boshqacha bo‘lardi".

«Benfika» bosh murabbiyi Xorxe Jezus ham uchrashuvdan so‘ng fikrlari bilan bo‘lishdi.

"Biz doim o‘yinda bo‘ldik. Noyer ikkita ajoyib seyv amalga oshirgan holda, voqealar rivojini o‘zgartirib yubordi. O‘yindan kelib chiqib, natijani qabul qilish og‘ir. Natija boshqacha bo‘lishi lozim edi. To‘rtta gol o‘tkazib yuborishga loyiq emasdik. «Bavariya»ning kuchga to‘la futbolchilari o‘yinni o‘zgartirib yuborishdi".