"Аталанта" бош мураббийи Гасперини "МЮ" дарвозабонини мақтади. У Де Хеа ҳақида шундай дейди:
"Ўйинда бундан кўпига қодир эмасдик. Биз ғалаба учун ўйнадик, аммо стадиондаги муҳит биз учун ноқулайлик туғдирди. Биз иккита голдан кейин учинчисига жуда яқин келгандик. Аммо рақиб дарвозабонининг иккита сейви бунга йўл қўймади. Бу таҳсинга сазовар ҳаракатлар эди. Ушбу воқеадан кейин ҳисоб 2-2 кўринишига келди ва биз учинчи голни ҳам ўтказиб юбордик. Биз мана шундай ўйинлардан ўрганишда давом этамиз".
"Аталанта" Италия чемпионатининг кейинги турида ўз уйида "Удинезе" билан баҳс олиб боради.
