"Реал Мадрид" бош мураббийи Карло Анчелотти жамоа ҳужумчиси Карим Бенземанинг ўйини ҳақида гапирди.

"Ҳозир у етакчилик фазилатлари яққол кўринадиган, характери кучлироқ футболчи. Буни ўйин давомида ҳам, майдон ташқарисида ҳам кўриш мумкин. У ўзини жамоада муҳим эканлигини ҳис қилади. Бу мутлақо тўғри. Биз шундай маҳоратли ҳужумчига эга бўлиш бахтига муяссар бўлганимиздан ҳурсандмиз.

Бензема етакчи. У майдонда ва унинг ташқарисида бошқаларга ўрнак кўрсатмоқда.

"Сизнингча, Бензема "Олтин тўп"ни қўлга кирита оладими?"

Карим бу совринни оладими, йўқми билмайман. Бу унга ёки бизга боғлиқ нарса эмас. Бу бошқа одамлар унга берадиган баҳога боғлиқ.

Ўйлайманки, Бензема "Олтин тўп"ни ўтган йили ва ҳозирда кўрсатаётган ўйин қўлга киритишга лойиқ", - деди Анчелотти.