14 март куни Ўзбекистон олимпия терма жамоасини муҳим ўйин кутиб турганидан яхши хабардорсиз. Тошкентдаги «Жар» стадионида БАА олимпия терма жамоаси меҳмон бўлади. Лондон чиптасини тўғридан-тўғри қўлга киритиш учун Ўзбекистонга фақат ва фақат ғалаба зарур.
Ҳал қилувчи ва қизиқарли ўйинга бўлган қизиқиш анча катта эканини ҳисобга олган ЎФФ учрашувга ҳали икки ҳафта вақт бўлса-да, чипталарни эркин савдога чиқарди. «Жар» ва «Пахтакор» стадиони кассаларида сотилаётган чипталарни 10.000 сўмдан 25.000 сўмгача ҳарид қилиш мумкин. Аввалроқ БАА олимпия терма жамоасини қўллаб-қувватлаш учун кутилганидан анча кўп араб мухлислар ташриф буюриши мумкинлиги ҳақида хабар бериб ўтгандик.
Чипталар 3та тоифага бўлинган ҳолда савдога чиқарилган.
