Мадриднинг “Реал” клуби бош мураббийи Карло Анчелотти Испания чемпионатининг 10-туридан ўрин олган “Барселона”га қарши ўйиндан олдин фикрлари билан ўртоқлашди.

"Жамоа учрашувга аъло даражада тайёргарлик кўрмоқда, Азар ва Карвахаль сафга қайтишди. “Шахтёр” билан ўйиндан сўнг бир оз муаммоларга дуч келдик, аммо биз уларни ҳал қилишга ҳаракат қиляпмиз. "Барселона"га қарши ўйинлар ҳар доим қийин кечган, лекин бу улар учун ҳам шундай бўлади.

Бензема? Карим ҳозир клубдаги олдинги фаолиятимдан кўра кўпроқ шахсиятга эга бўлган етакчи ва мен унинг бу қобилиятини яхши кўраман. Мен уни янада етукроқ ва муҳимроқ футболчи сифатида кўраяпман”, - деди Анчелотти "Movistar" нашрига берган интервюсида.

Эслатиб ўтамиз, "эл-класико" 24 октябрь куни Тошкент вақти билан 19:15 да старт олади.