«Манчестер Юнайтед» яримҳимоячиси Донни ван де Бек «Аякс»га қайтмоқчи эмас, деб хабар беради журналист Фабрицио Романо.
Манбанинг хабарига кўра, 24 ёшли голландиялик инглиз клубини тарк этишга яқин, лекин у собиқ жамоасига ўтиш ниятида эмас.
Ван де Бек 2020 йил сентябр ойида «Аякс»дан «Манчестер Юнайтед»га 39 миллион евро эвазига ўтганди. 2021/22 йилги мавсумда яримҳимоячи «қизил иблислар»нинг 3 учрашувида қатнашди, 141 дақиқа майдонда ўтказди ва самарали ҳаракатлари билан ажралиб турмади. Transfermarkt.com портали футболчининг қийматини 25 миллион еврога баҳоламоқда.