Миланликлар бир неча кун ичида бу ҳақида эълон қилади.
Италиянинг "Sky Italia" нашри тарқатган маълумотларга қараганда, Италиянинг ўтган мавсум чемпиони "Интер" таркибидаги асосий юлдузларни сақлаб қолмоқчи. Гап италиялик Николо Барелла ва аргентиналик Лаутаро Мартинез ҳақида кетмоқда. Клуб икки футболчи билан ҳам шартнома шартларини келишиб олган, фақат расмий эълон қолмоқда. Шунингдек, хорватиялик ярим ҳимоячи Марсело Брозович билан ҳам музокаралар давом этмоқда, бу иш учун кўпроқ вақт керак бўлади, дейилади хабарда.
Эслатиб ўтамиз, Лаутаро бу мавсумда "нерадзуррилар" таркибида 7 ўйинда майдонга тушиб, 5 гол урган. Барелла эса 8та ўйинда 1 гол, 5 голли узатмани амалга оширган.
