Франция терма жамоаси собиқ бош мураббийи Лоран Блан "ПСЖ" ҳужумчиси Килиан Мбаппе ҳақидаги фикрлари билан ўртоқлашди.
"Килиан - ҳали жуда ёш. Гап 21 ёшли бола ҳақида кетмоқда. У аллақачон кўп нарсаларга эришган ва бу натижалар ҳали ҳам яхшилиши мумкин. У айни вақтда жаҳон даражасига чиққан бўлса ҳам, ривожланиш учун ҳаракат қиляпти. Килиан - Месси ва Роналдунинг ўрнини боса оладиган кам сонли ўйинчилардан бири ва у француз, бу биз учун яхши", - деди Блан Bein Sports телеканалига берган интервьюсида.
Эслатиб ўтамиз, Мбаппе 2017 йилдан бери "ПСЖ" шарафини ҳимоя қилмоқда. Унинг клуб билан амалдаги шартномаси келаси йилнинг ёзида якунланади.
