"Манчестер Юнайтед" клуби якшанба куни АПЛ доирасида "Ливерпуль"ни ўз майдонида қабул қилади. Бунда ҳар икки жамоа учун ҳам ғалаба жуда зарурдир. "Ливерпуль" кучли тўртликда қолиш учун курашса, "МЮ" эса унга кириш учун ҳаракат қилади. Учрашувнинг классик баҳслиги эса унинг қадрини янада оширади. Ҳозир эса тўқнашувдан илгарироқ, "МЮ"нинг мураккаб ҳолати ҳақида гап боради.
Оле-Гунар Сульшер бошқараётган "МЮ" мавсумнинг бундан буёғига комбекка асосланган ғалабаларга ишона олмайди. Бу, аввало барқарор ўйин услуби эмас. Қолаверса, "Ливерпуль" каби топ жамоалар майдонда ва ҳисобда етакчиликни қўлга олса, у ҳолда уни тортиб олиш жуда қийин кечади. 2021-22 йилги мавсумда эса, "МЮ" ўз позициясини нисбатан бой бериб қўйишга қараб оғган. Улар очиқчасига комбекка қурилган ўйин кўрсатишди. Хусусан, бу жамоа иштирокида "Саутгемптон", "Вест Хэм", "Вильярреал" ҳамда "Аталанта"га қарши айнан шундай сценарийдаги баҳсга гувоҳ бўлгандик. Ҳисобда ортда қолиш ва комбек қилиш, энг биринчи навбатда футболчиларга ортиқча руҳий ва жисмоний босим юклайди. "МЮ" ўтган мавсумни муваффақиясиз якунлагани ҳам айнан мана шу омиллар таъсирига ҳам боғлиқ бўлган.
Умуман олганда, ҳисобда ортда қола туриб, комбек қилиш, хурсанд бўлишга арзийди. Сульшер бу борада "жамоа ДНКси" иборасини қўллаганда ҳақ эди. У бу нарсани 1999 йилдаги мавсумга кўра, яхши билади. Сўнгги 30 йилдаги комбекли ғалабаларда "Бавария" етакчилик қилади. "МЮ"да эса бу воқеа тасодифан бўлаётгандек, гўё. Поль Погба "Лестер"га қарши ўйиндан сўнг жамоадаги муҳит ўзгаришини айтганди. Улар "Аталанта"га қарши ирода кўрсатишди. Аммо иккинчи бўлимда. Биринчисида эса жамоа иштирокида жуда ёмон ўйин бўлди. Яхши ўйинлар аслида стартдан бошланиш керак, иккинчи таймдан эмас. "Қизил иблислар" эртанги рақибга қарши учрашувни "Аталанта" билан ўйин сўнгидаги нотада бошлаши талаб этилади. Сульшер "МЮ ДНКси" ҳақида гапирди, бу нарса эса нафақат комбекларни, балки дастлабки дақиқалардан кучли ўйинни ҳам ўз ичига олади. Агар бу жамоа "Ливерпуль"га қарши мана шундай ўйин намойиш эта олса, у ҳолда уч очко учун ҳақли бўлишади. Чунки клубда буни эплай оладиган футболчилар етарлича топилади.
Бордию, Сульшер жамоаси яна "Лестер"га қарши кўрсатган ўйинида давом этса, нафақат мағлуб бўлиши мумкин, балки руҳий зарба ҳам қабул қилади. Биз буни тарихдаги кўплаб мисолларда кўрганмиз. Шундай бўлсада, комбеклар бу сўнгги йиллардаги каби таяниладиган нарса эмас. Бу ҳолатнинг "МЮ" футболчилари учун яна бир хавотири бор. Бу уларнинг онгида ортда қолсагина, ҳаракат қилиш ҳисси жойлашиб қолишидир. Шунга қарамай, жамоа футболчилари борасида ҳеч қандай муаммо йўқ. Уларнинг ҳаммаси юқори даражада сифатли футбол кўрсаткишга қодирлар. Бироқ, Сульшер қўл-остида улар 90 дақиқанинг яримидагина шундай футбол намойиш этиб келмоқда. Бу эса "Ливерпуль" билан ўйинда етарли бўлмаслиги мумкин.
инглиз тилидан Жалолиддин ИСМАТОВ таржимаси
