«Бавария» собиқ раҳбари Карл-Хайнц Румменигге Германия Бундеслигасида «жануб юлдузи» устунлик қилишининг сабаблари ҳақида гапирди.
«Иккита сабаб бор. Масалан, 2008 йилда Франк Рибери учун Испания ва Англиядан жуда катта таклифлар олгандик. Ўша пайтда бу футбол тарихидаги энг қиммат трансфер бўларди.
Биз буни узоқ вақт муҳокама қилдик ва бундай миқдорлардан воз кечишимиз мумкинлигини тушунишга ҳаракат қилдик. Шунга қарамай, биз бундай муҳим ўйинчини сотмасликка қарор қилдик.
Яна бир муҳим жиҳат 2012 йил «Боруссия» чемпионликни қўлга киритди ва Германия кубогини биздан тортиб олди, биз эса Чемпионлар лигаси финалида ўз уйимизда мағлуб бўлдик. Бу бизни ҳайратда қолдирди. Шу пайтдан бошлаб биз миллий турнирларда ҳам, Европа мусобақаларида ҳам аста-секин яхши бўла бошладик.
Бир неча йиллардан буён «Бавария» Европанинг кучли уч клубидан бири ҳисобланади. Сиз сўнгги пайтларда футболимиздан завқланишингиз мумкин», деди Румменигге Билд ТВ телеканалига берган интервьюсида.
