"Манчестер Юнайтед" ярим ҳимоячиси Донни ван де Бек агентини ўзгартиришга қарор қилди, деб хабар беради Англиянинг "Metro" нашри.
Маълумотларга кўра, 24 ёшли нидерландиялик футболчи "Манчестер Юнайтед"даги ҳолатидан норози ва бошқа клубга ўтиш ниятида. Бунинг учун футболчи ўз трансферини тезлаштириш мақсадида агентини алмаштиришга қарор қилди. Қайд этилишича, ярим ҳимоячига "Эвертон", "Ньюкасл" ва "Ювентус" клублари қизиқиш билдирмоқда.
2021/22 йилги мавсумда Ван де Бек "МЮ" сафида 3 учрашувда қатнашиб, жами 141 дақиқани майдонда ўтказди ва самарали ҳаракатлар амалга оширмади. Transfermarkt портали футболчининг нархини 25 миллион еврога баҳоламоқда.
