Каталонияликлар ҳимоя чизиғини кучайтирмоқчи.
Испаниянинг "SER" нашри тарқатган маълумотларга кўра, "Барселона" жамоаси "Челси"нинг келаси ёзда эркин агентга айланиши кутилаётган ҳимоячиси Антонио Рюдигерга қизиқиш билдирмоқда. Клуб футболчининг агенти билан дастлабки учрашувни ўтказди. Унга кўра, германиялик йилига 12 миллион евро соф маош олиш ниятида ва қайси клуб бу суммани тўлашга тайёр бўлса, ўша жамоага ўтмоқчи.
Эслатиб ўтамиз, аввалроқ футболчига "Реал Мадрид", "ПСЖ" ва "Манчестер Сити"дан таклифлар борлиги маълум қилинганди.