А Серия 10-тури доирасида «Ювентус» ўз майдонида «Сассуоло»ни қабул қилмоқда.
Бу Массимилиано Аллегри учун туринликлар бош мураббийи сифатида чемпионатдаги 200-ўйини ҳисобланади. Бунга қадар фақат икки нафар мутахассис ушбу маррани забт этишган - Жованни Трапаттони ва Марчело Липпи.
Аллегри «Ювентус»да 2021 йилнинг ёзидан бери ишлаб келмоқда. Бунга қадар у 2014-2019 йилларда ҳам "кекса сеньора"ни бошқарган ва 5 марта Италия чемпиони, тўрт маротаба Италия кубоги ҳам икки бор Италия Суперкубоги соҳибига айланган.