«Спортинг Хихон» билан бўладиган ўйиндан аввал матбуот вакилларига интервью берар экан, «Барселона» бош мураббийи  Гвардиола рақиб клуб ҳақида фикрларни билдириб ўтди.

«Хавьер Клементенинг жамоларини ютиш қийин иш. Чунки унинг жамолари тажовузкор ва очиқ футбол намойиш этиш билан бирга, ўзига хос характерга эга. Мен Клементенинг қандай ўйин кўрсатишини яхши биламан: у тўпни марказда камроқ ушлаб туриб, тезроқ ҳужумга ўтишни афзал кўради. Биз ҳам бир ёки иккита тўп узатиш орқали гол уришга имконият ярата олардик, лекин ҳар уч кунда худди шундай ўйин кўрсатиш мушкул. Агар биз ҳам шундай ўйин намойиш этадиган бўлсак, бизнинг барча футболчиларимиз жароҳатланган бўлишарди», — деди Гвардиола.

Шунингдек, Гвардиола бугунги ўйинда майдонга туша олмайдиган футболчилар — Месси, Бускетснинг майдонда йўқлигини билинтирмаслик мақсадида Тиагонинг майдонга тушиш мумкинлигини инкор этмаган ҳолда фикр билдирди: «Тиаго аввалгига қараганда бугун яхши спорт формасида, лекин биз ўйиндан аввал қарор қабул қиламиз».

Ла-лигада чемпион бўлиш эҳтимоли ҳақида сўралганда эса Гвардиола шундай деди: «Биз пешқадамдан анча орқадамиз ва улар анча вақтдан буён барқарор ўйин намойиш этишмоқда. 10 очколик фарқ билан қаршилик кўрсатиш жудаям мураккаб иш».

«Агар биз жадвалнинг биринчи ўрнида бормаётган бўлсак, бу ҳакамларнинг айби эмас», — дея қўшимча қилди у.

Кубок финали ҳақида берилган саволга Барселона бош мураббийи шундай жавоб қайтарарди:

«Атлетико 20 майда ўйнашни ҳоҳламоқда, биз учун ҳам 20 май қулай, лекин биз чемпионлар Лигаси финалида иштирок этишимиз мумкин. Шуни ҳисобга олиш керак. Ушбу масалани ИФФ ҳал қилгани маъқул».

Соҳиб Эгамов таржимаси