"Барселона"нинг собиқ бош мураббийи, Херардо Мартинонинг ёрдамчиси бўлган Хорхе Паутассо ҳакам Матеу Лаҳос Лионель Мессининг голини адашиб бекор қилгани учун узр сўраганини айтди.
2014 йилнинг 17-май куни Ла Лиганинг сўнгги 38-турида каталонияликлар чемпионлик баҳсида “Атлетико”ни қабул қилишди. Ғалаба қозонган тақдирда "Барселона" олтин медалларни қўлга киритган бўларди, аммо якунда ўйин дуранг билан якунланди ва учрашувнинг 64-дақиқасида Месси томонидан киритилган гол бекор қилинди.
"Ҳакам Мартинодан бу қарори учун узр сўради. У хато қилганини айтди", - деди мураббий ёрдамчиси берган интервьюсида.
Ўша мавсумда "Атлетико" Ла Лига чемпионига айланган эди.
