"Ньюкасл" клубининг афсонавий футболчиси Алан Ширер январь ойидаги трансферлар ойнаси ҳақида гапирди. У "Ньюкасл"нинг бу даврдаги бўлажак харидлари ҳақида шундай дейди:
"Мен қишда клубдан бир нечта яхши трансферларни кутмоқдаман. Агар бу иш амалга ошмаса, "Ньюкасл"нинг АПЛда қолиши қийинлашиб кетади. Менимча, бу жамоага келиб ўзини кўрсатишни истайдиган футболчилар етарлича топилади. Жамонинг айни дамдаги ҳимояси жуда ҳам ачинарли аҳволда. Клубга битта ёки иккта яхши савиядаги ҳимоячилар зарур. Шунингдек, креатив ярим ҳимоя вакили ҳам. Ўйлашимча, ҳужум, ярим ҳимоя ва ҳимоя учун биттадан янги футболчи олинса, аҳвол ўнгланиши мумкин".
