«Реал Мадрид» дунёнинг энг зўр истеъдодларини ўз сафига таклиф қилиб, ёш футболчиларни ривожлантириш режасига амал қилишда давом этмоқда. Бу сафар бразилиялик ҳужумкор яримҳимоячи Матеус Франкка эътибор қаратишмоқда.
Бразилиялик футболчи ҳозирда «Фламенго»нинг иккинчи жамоасида ўйнамоқда ва ажойиб натижаларни кўрсатмоқда. Жисмоний ҳолати, ҳамда гол уриш қобилияти билан тенгдошлари орасида ажралиб туради.
Испаниянинг AS нашри хабарига кўра, ёш футболчининг шартномасида 100 миллион евро товон пули кўрсатилган. Бироқ, «Фламенго» вундеркинд ортидан «Реал»дан имкон қадар кўпроқ пул ишлаб олишга уриниб, потенциал харидорлар билан ҳам савдолашишга тайёр.