Афсонавий футболчи, айни вақтда БААнинг «Ал-Васл» жамоаси бош мураббийи Диего Марадонанинг айтишича, куёви — айни вақтда «Манчестер Сити»да тўп сураётган ҳужумчи — Серхио Агуэро Мадриднинг «Реал» жамоасига ўтиш имкониятини албатта кўриб чиқиши керак. Бу ҳақда «Goal.com» интернет-нашри хабар бермоқда.
Марадонанинг фикрича, Агуэронинг ҳозирги жамоаси — «Манчестер Сити» бугун кўтарилиш палласида бўлса ҳам, у «Реал»нинг таклифини кўриб чиқиши керак.
«Серхио «Реал» шарафини ҳимоя қилиши керак. Бу унинг фаолиятидаги олдинга ташланган сезиларли қадам бўлади. У «Сити»га ўтиб хатога йўл қўйиб бўлганди. Бироқ унда ҳали ҳам испан суперклуби таркибига қўшилиш имконияти бор», деди Марадона.
«Агар «Реал» қайсидир ўйинчини сотиб олишни хоҳласа, албатта олади. Инглиз клуби раҳбарияти бунга қарши ҳеч қандай чора қўллай олмайди», дея қўшимча қилди «Ал-Васл» бош мураббийи Диего Марадона.