"Ювентус" бош мураббийи Массимилиано Аллегри Италия чемпионатининг 11-тури доирасида бўлиб ўтган "Верона"га қарши ўйин (1:2) борасида ўз фикрини билдириб ўтди.

"Ҳозир ҳар қандай сўз ортиқча. Биз ёмон ҳолатдамиз. Бор вазиятни қабул қилишимиз керак — биз ўртамиёна жамоамиз. Дадиллик ва ўз савиямизни намойиш этсак, ушбу вазиятдан чиқиб кетишимиз мумкин.

Ушбу ҳолатдан ўзимизни олиб чиқиб кетамиз. Афсусланиб ўтиришдан маъно йўқ, бу бизга ёрдам бермайди. Бор эътиборни қилишимиз керак бўлган ишга қаратишимиз лозим. Шунда барчаси ўз жойига тушади.

"Ювентус" футболкаси шунчаки бизга ўртамиёна жамоани мағлуб этиш учун кафолат бермайди. Ҳар бир очкони қўлга киритишимиз ва бун тўғри ёндашувни амалга оширишимиз зарур.

"Верона" "Ювентус"ни мағлуб этиш учун нима қилиш кераклигини биларди. Бизнинг хатомиз шунда бўлдики, ўзимизни "Верона"дан кучли дея ҳисобладик. Айни пайтда бундай эмас. Реалист бўлишимиз керак.

Ҳеч бир катта жамоа рақибни ҳурмат қилмаган ғалаба қозона олмаяпти. Бизга курашиш иштиёқ етмаяпти. Ўйин бу — жанг.

Ҳозир ҳеч нарса дея олмайман. Майдонда ўзимизни кўрсатиш учун кўп гапирмасдан ва сидқидилдан ишлашимиз керак. Айни пайтда барчаси ёмон, вазиятни таҳлил қилган ҳолда ишлашимиз. Бунда кимда нима йўқлигини, ким чарчаганини, ким камроқ бўлса-да ёрдам бериши мумкинлигини аниқлашимиз керак", – деди Аллегри.