Франциялик ярим ҳимоячи Поль Погба «Манчестер Юнайтед» билан янги шартнома имзоламайди ва 30 июнь куни эркин агентга айланади.
Sport Italia журналисти Руди Галеттининг фикрича, Погбанинг устувор вазифаси 2012 йилдан 2016 йилгача ўйнаган Туриннинг «Ювентус»ига қайтиш.
Манбага кўра, «кекса синйора» Погбага йилига 12,5 миллион евро ва бонуслар таклиф қилишга тайёр, аммо бунинг учун туринликлар ярим ҳимоячи Аарон Ремзи ва ярим ҳимоячилардан бири - Уэстон Маккенни ёки Адриен Рабёни сотишлари керак.
Қайд этилишича, Погба учун «Б» режаси «Реал»га ўтиш ҳисобланади.