"Барселона" ҳужумчиси Серхио Агуэро юрагидаги муаммолар сабаб уч ойни футболдан ташқарида ўтказади, дея хабар берди клуб расмий Twitter саҳифаси.
Хабар қилинишича, ҳужумчи шифокор томонидан кўрсатилган диагностика ва даволаш муолажасидан ўтган. Яқин уч ой ичида у майдонга қайтолмайди. Бу вақт давомида аниқ тикланиш вақтини аниқлаш учун даволаш жараёнининг самарадорлиги баҳоланади.
Агуэро "Алавес" билан учрашувнинг 41-дақиқасида кўкрагини ушлаган ҳолда майдонга йиқилганидан сўнг алмаштирилган эди. Ҳужумчи кейинроқ юрак текшируви учун зудлик билан шифохонага олиб кетилган.
33 ёшли футболчи жорий мавсумда “Барса” сафида бешта ўйин ўтказиб, битта гол урган.
