Яқинда "Олмалиқ" машғулотларида қатнашиб жамоани тарк этган Жаъфар Ирисметов Наманганнинг "Навбаҳор" клуби машғулотларига қўшилди. Бу ҳақда клуб мухлислар сайти хабар тарқатмоқда.

Мавсумга тайёргарликнинг сўнгги босқичини Наманганда ўтказаётган "Навбаҳор" кечадан машғулотларни бошлади. Кечаги машғулотларда икки нафар футболчи келиб қўшилди. Аммо ушбу футболчилар ўринбосар сафига кириш учун ҳаракат қилишади.

Бугун дастлабки машғулот Тўрақўрғондаги "Ёшлик" ўйингоҳида бўлиб ўтиб, таркибда ўзгаришлар кузатилмади.

Эслатиб ўтамиз, Жаъфар Ирисметов фаолияти давомида "Дўстлик", "Спартак (М)", "Қайрат", "Андижон", "Шўртан", "Қизилқум" сингари жамоаларда тўп сурган.

Ҳозирда таркибда легионерлардан Денис Романенко, Максим Белих, Артурас Фоменко ва Владимир Чекуновлар қолишган. Янги мавсумни "Навбаҳор" ушбу легионерлар билан бошлаши деярли аниқ.

"Навбаҳор"нинг бугунги машғулоти "Динамо" ўйингоҳида соат 16:00 да бўлиб ўтади.