Ноябрь ойидаги ФИФА кунларидан кейин ўтказилувчи Суперлига 25-тур учрашувлари саналарига ўзгартириш киритилди.

Маълумки, 20-28 ноябрь оралиғида Суперлиганинг икки тури ҳамда Ўзбекистон кубогининг ½ финал босқичи учрашувлари бўлиб ўтади. Бунга қадар Ўзбекистон кубогининг ярим финал босқичига қайси жамоалар йўл олиши ҳақида маълумот бўлмаганидан келиб чиқиб, сўнгги тур каби 25-тур учрашувлари ҳам бир кунга қўйилганди. Аммо бу футбол учрашувларини трансляция қилиш масаласида ноқулайликлар келтириб чиқаради.

Шундан келиб чиқиб, Ўзбекистон кубогининг ярим финали доирасида майдонга тушадиган клублар иштирокидаги 25-тур учрашувлари аввалгидек 20 ноябрь санасида бўлиб ўтади. Қолган жамоалар иштирокидаги ўйинлар эса 21 ноябрь куни бўлиб ўтади.

Суперлига. 25-тур

20 ноябрь, шанба

14:00 "Қўқон-1912" — АГМК

14:00 "Локомотив" — "Пахтакор"

16:15 "Сўғдиёна" — "Насаф"

16:15 "Бунёдкор" — "Сурхон"

21 ноябрь, якшанба

14:00 "Андижон" — "Навбаҳор"

14:00 "Машъал" — "Қизилқум"

16:15 "Металлург" — "Турон"