Noyabr oyidagi FIFA kunlaridan keyin o‘tkaziluvchi Superliga 25-tur uchrashuvlari sanalariga o‘zgartirish kiritildi.
Ma’lumki, 20-28 noyabr oralig‘ida Superliganing ikki turi hamda O‘zbekiston kubogining ½ final bosqichi uchrashuvlari bo‘lib o‘tadi. Bunga qadar O‘zbekiston kubogining yarim final bosqichiga qaysi jamoalar yo‘l olishi haqida ma’lumot bo‘lmaganidan kelib chiqib, so‘nggi tur kabi 25-tur uchrashuvlari ham bir kunga qo‘yilgandi. Ammo bu futbol uchrashuvlarini translyasiya qilish masalasida noqulayliklar keltirib chiqaradi.
Shundan kelib chiqib, O‘zbekiston kubogining yarim finali doirasida maydonga tushadigan klublar ishtirokidagi 25-tur uchrashuvlari avvalgidek 20 noyabr sanasida bo‘lib o‘tadi. Qolgan jamoalar ishtirokidagi o‘yinlar esa 21 noyabr kuni bo‘lib o‘tadi.
Superliga. 25-tur
20 noyabr, shanba
14:00 "Qo‘qon-1912" — AGMK
14:00 "Lokomotiv" — "Paxtakor"
16:15 "So‘g‘diyona" — "Nasaf"
16:15 "Bunyodkor" — "Surxon"
21 noyabr, yakshanba
14:00 "Andijon" — "Navbahor"
14:00 "Mash’al" — "Qizilqum"
16:15 "Metallurg" — "Turon"
