"Ливерпуль" бош мураббийи Юрген Клопп ўз жамоасини дунёнинг энг яхшиси деб ҳисоблайдими, деган саволга жавоб берди.
"Ливерпуль" дунёнинг энг яхши жамоаси эмас. Бу биз учун ҳеч қачон қизиқ бўлмаган. Биз ким бўлишидан қатъи назар, дунёнинг энг яхши жамоасини мағлуб этмоқчимиз. "Ливерпуль" ғалаба қозониши керак, чунки мухлислар катта умидларга эга, улар биздан мағлуб бўлишни эмас, ғалаба қозонишимизни кутишади. Доимий равишда жиддий босим остида қолиш осон иш эмас”.
Англия чемпионатининг 10 туридан кейин "Ливерпуль" 22 очкога эга ва турнир жадвалида иккинчи ўринда бормоқда. Чемпионлар лигасида 12 очко тўплаган мерсисайдликлар тўрт турдан кейин «Б» гуруҳида пешқадамлик қилмоқда ва муддатидан аввал 1/8 финалга йўл олди.
