«Манчестер Сити» яқин орада ҳужум позициясига юқори даражадаги трансферни ташкил қила олмайди. «Шаҳарликлар» ёзгача Англияда қолиш истагини билдирган «Тоттенхэм» футболчиси Ҳарри Кейн ва «Фиорентина» вакили Душан Влаҳович борасида музокаралар олиб боришда қийинчиликка дуч келмоқда.
Шу сабабли, Гвардиола жамоаси раҳбарияти бошқа ҳужумчи сотиб олиш ҳақида ўйламоқда. Британиянинг The Mirror нашрига кўра, «шаҳарликлар» «Арсенал» ҳужумчиси Александр Ляказетни идеал номзод деб билишади.
Манбанинг хабар беришича, француз узоқ вақтдан бери Лондон жамоасини тарк этишга ҳаракат қилиб келмоқда, шу боис «шаҳарликлар» футболчини ўз таркибига жалб қилиш ҳақида ўйламоқда.