"Норвич" бош мураббий Даниэль Фаркни истеъфога чиқарганидан сўнг жамоа ўзига янги мутахассис қидирмоқда.
"The Sunday times" нашри хабарига кўра, собиқ "Челси" бош мураббийи Френк Лемпард бу лавозим учун асосий фаворит ҳисобланади.
Маълумотларга кўра, номзодлар рўйхатидан Дортмунднинг "Боруссия" клуби собиқ устози Люсьен Фавр, сўнгги жамоаси "Ньюкасл" бўлиб турган Стив Брюс ва "Астон Вилла"нинг собиқ ёрдамчи мураббийи Жон Терри ҳам ўрин олган.
Эслатиб ўтамиз, "Норвич" чемпионатда 11 турда 5 очко тўплаган ҳолда турнир жадвалининг сўнгги поғонасида бормоқда.
