Осиё Чемпионлар Лиагсининг В гуруҳидан ўрин олган «Ал-Иттиҳод» ва «Пахтакор» жамоалари ўртасидаги учрашувдан олдин мезбонлара устози Рауль Канеда ўйинолди фикрларини билдириб ўтди. Канеда рақибнинг қарши ҳужумда тўп суришини алоҳида таъкидлаб ўтди.

«Пахтакор» тезкор ўйин намойиш этадиган, қарши ҳужумларда тез ҳаракат қиладиган жамоа. Улар Ўзбекистоннинг кучли клубларидан бири саналади. Жамоа анчадан буён Чемпионлар лигасида иштирок этиб келишади. Футболчилари ҳам юқори савияли. Биз айнан мана жиҳатларни ҳисобга олган ҳолда, имкон қадар ғалаба қозонишга интиламиз», - дея сўз бошлади Канеда.

«Пахтакор»нинг аввал ўтказган уч-тўрт беллашувини кузатдим. Уларни махсус дастур асосида ўргандик. «Пахтакор» жамоавий ўйинга катта эътибор беради. Ҳар бир футболчи бор кучи билан унга амал қилишга уринади. Бу худди бир мустаҳкам оиладек. Барча бир мақсад йўлида кураш олиб боради. Биз эса шундай характерга эга рақибни доғда қолдиришга режа ишлаб чиқяпмиз. Рақибнинг кучли тарафлари сифатида уларнинг ҳужумга тезкорлик билан ўтишини кўрсатган бўлардим», дейди Канеда.

Испаниялик бўлган Канеда жамоага испанча муҳитни олиб кириши борасида берилган саволни ҳам эътиборсиз қолдирмади.
«Испанча футбол айнан бир хил қолипдан иборат эмас. Тўғри, Испанияда техник ўйин намойиш қилишади, лекин уни ҳам турли услублар орқали амалга ошириш мумкин. Лекин биз «Реал» ёки «Барселона» сингари ўйин кўрсата олмаймиз. Бундай савияга чиқиш учун маълум вақт талаб этилади. Бир неча ҳафтада бундай миссияни бажариб бўлмайди. Ҳозирги вазифамиз ОЧЛнинг биринчи ўйинида муваффақиятга эришиш. Шундан сўнг босқичма-босқич яхшироқ савияга кўтарилишга уринишда давом этамиз», дея мураббийнинг гапларидан иқтибос келтириб ўтди “Пахтакор” расмий сайти.