Бельгия терма жамоаси бош мураббийи Роберто Мартинес сўнгги пайтларда «Реал»да деярли ўйин амалиётига эга бўлмаётган ҳужумчи Эден Азар учта ўйинда 12 дақиқа майдонга тушгани ҳақида ўз фикрлари билан ўртоқлашди.
«Биз Азар билан бундай вазият бўлишини кутмаган эдик. Тиббиёт нуқтаи назаридан Эден яхши ҳолатда. У формада бўлиш учун қўшимча машғулотлар ўтказади ва юқори савияга қайтишга ҳаракат қилади. Лекин Азар футболдан завқланишни тўхтатиб қўйишидан қўрқаман», - дея Мартинес сўзларини келтирди Мундо Депортиво.
Мадриднинг «Реал» клуби Азарни 2019 йилнинг ёзида «Челси»дан 115 миллион еврога сотиб олганди.
Жорий мавсумда 30 ёшли ҳужумчи қироллик клуби сафида 11 ўйин ўтказиб, битта голли узатмани амалга оширган. Унинг клуб билан шартномаси 2024 йилнинг ёзига қадар амал қилади.
