«Астон Вилла» раҳбарияти бош мураббийлик учун асосий номзодлар ҳақида қарор қабул қилди, деб хабар беради Sky Sport.
Манба берган хабарга кўра, рўйхатда «Рейнжерс»нинг амалдаги бош мураббийи Стивен Жеррард, Бельгия терма жамоаси устози Роберто Мартинес ва Дания терма жамоаси устози Каспер Гюлман ўрин олган.
7 ноябрь куни «Астон Вилла» раҳбарияти жамоани 2018 йилдан буён бошқариб келаётган Дин Смитни истефога чиқарди.
11 ўйиндан сўнг Бирмингем жамоаси 10 очко тўплаган ҳолда Премер-лига турнир жадвалида 15-ўринда бормоқда.