"Қўқон-1912" жамоаси аъзолари навбатдаги учрашувни "Насаф" жамоасига қарши ўтказишади.
Айни кунларда жамоа аъзолари мазкур ўйинга қизғин тарзда тайёргарлик кўришмоқда. Бахтиёр Ашурматов бошчилигидаги футболчилар Тошкент шаҳридаги "Бунёдкор" академиясига қарашли майдонда ўз машғулотларини олиб боришмоқда.
Жамоа аъзолари бугун ва эртага ҳам Тошкентда шуғулланишади. 14 ноябрь куни эрта тонгда жамоа аъзолари Қарши шаҳри томон йўлга чиқишади.
Эслатиб ўтамиз, Суперлиганинг 24-туридан ўрин олган "Насаф" - "Қўқон-1912" учрашуви, 15 ноябрь куни, соат 14:00 да Қаршидаги "марказий" стадионида бошланади.
