"The Sun" нашри хабарига кўра, "Валенсия" жамоаси "Вулверхэмптон" ҳужумчиси Адама Траорега қизиқиш билдирмоқда.
Маълумотларга кўра, инглиз клуби 25 ёшли испаниялик билан шартномани узайтирмоқчи, бироқ футболчининг ўзи "бўрилар" таклифига рози бўлишга шошилмаяпти. Қайд этилишича, “Валенсия” футболчини кузатиб бормоқда ва қишки трансфер ойнасида уни қўлга киритиши мумкин.
2021/22 йилги мавсумда Траоре "Вулверхэмптон"нинг 12та ўйинида қатнашиб, самарали ҳаракатлари билан ажралиб турмади. "Transfermarkt.com" сайти форварднинг нархини 30 миллион еврога баҳоламоқда.
