"Манчестер Юнайтед" клуби ўз футболчиси Дин Хендерсонни қишда ижарага бермоқчи. Хабарларга кўра, 24 ёшли посбон доимий ўйин вақтига эга бўлиш ниятида.
Шу сабабдан январда исталган жамоага ўтишни хоҳламоқда. Клуб ҳам уни қўйиб юборишга қарши эмас. Фақат бу рухсат ижара асосида бўлади. Ўтган мавсумда Хендерсон "МЮ" учу 26та ўйин ўтказган бўлса, янги мавсумда бу кўрсаткич биттани ташкил этади.
Дарвозабон Англия терма жамоасининг сўнгги учта йиғинига жалб этилмаган эди. Унинг "Олд Траффорд"даги битими яна 18 ой амал қилади.