Лондоннинг "Арсенал" жамоаси қишки трансферлар ойнасида бирйўла саккизта футболчисини сотиши мумкин. Хабарларга кўра, Артета бошчилигидаги клуб янги харидлар амалга ошириш учун футболчилар савдосидан фойдаланади.
Клубда 2022 йилнинг ёзида шартномаси тугайдиган ўйинчилар бисёр. Раҳбарият эса уларни қишда сотиб юборишга ҳаракат қилади. Ушбу футболчилар рўйхатида Александр Ляказетт, Муҳаммад Элнени, Сеад Колашинац, Бернд Лено, Эдди Нкетиа ҳамда Флорин Балогунлар ўрин олган.
Фақатгина дарвозабон Ленонинг битими 2023 йилгача амал қилади. Аммо у ҳозирда заҳира посбонига айланган.