Испаниянинг "El Nacional" нашри берган маълумотларга кўра, Мадриднинг "Реал" жамоаси "Вильярреал" ҳимоячиси Пак Торрес учун курашдан чиқди. "Қироллик клуби" футболчи учун "сариқ сувости кемаси" сўраган маблағни тўламоқчи эмас.
Хабарларга кўра, "Вильярреал" Торрес учун 65 миллион евро миқдорда товон пули сўраган. Флорентино Перес эса бундай катта маблағ эвазига ҳимоячи сотиб олиш нияти йўқ. Энди испаниялик футболчи учун ягона даъвогар Англиянинг "Манчестер Сити" жамоаси бўлиб қолмоқда.
Жорий мавсум 24 ёшли марказий ҳимоячи испан клуби сафида барча турнирларда 14 ўйин ўтказиб, 1та гол урди.
