"Лестер Сити" ярим ҳимоячиси Нампалис Менди январда жамоани тарк этиши мумкин, дея хабар беради "The Sun".
Манбанинг хабарига кўра, футболчи унга берилаётган ўйин вақтидан норози ва қишки трансфер ойнасида клубини ўзгартиришга умид қилмоқда.
29 ёшли сенегаллик ярим ҳимоячи ушбу вазиятга изоҳ берди.
"Мен "Лестер"ни тарк этишни жуда хоҳлардим. Бу нормал ҳолат. Умид қиламанки, жамоани тарк этиш режаси муваффақиятли амалга ошади, ҳозирча эса сабр қилишим керак", - деди Менди.
Эслатиб ўтамиз, футболчи 2018 йилдан бери “тулкилар” сафида ўйнаб келмоқда. Футболчининг клуб билан шартномаси 2023 йилнинг июнигача амал қилади.
