Франциянинг ПСЖ клуби хўжайини Носир ал-Халайфий жамоанинг келажакдаги тараққиёт босқичи режалари ва парижликларнинг трансфер бозоридаги мақсадлари хусусида гапириб ўтди.
«Биз ёзги трансферлар пайтида юқори салоҳиятли ўйинчилар сотиб олиш истагидамиз. Ҳозирча айнан шундай футболчиларнинг рўйхатини тузиб чиқдик. Ҳа, биз ҳақиқатдан ҳам Гонсало Игуаин ва Луис Суаресни сотиб олмоқчимиз".
"Яқин йиллардаги режаларимизнинг энг муҳим банди - бу Чемпионлар лигасини ютиб олиш ва жамоада янги Лионел Мессини тарбиялаш. Бу йўлдаги харажатларни унча-мунча топ-клублар ҳам сарф қила олмаслигини аниқ айта оламан".
"Яқин беш-олти йил ичида клубга қанча керак бўлса, шунча пул тикамиз. Ундан сўнг эса бу харажатлар ўзини оқлай бошлайди деб умид қиламан", – дея Ал-Халайфий сўзларидан Sky Sports нашри иқтибос келтирмоқда.