Мадриднинг “Реал” клубида захира посбони Андрей Лунин келаси трансфер мавсумида бошқа жамоага ўтиши мумкин. Бу ҳақда “Euro Football” нашри хабар бермоқда. Хабарларга кўра, украиналик кипер клубдаги жамоадоши Тибо Куртуа сабаб ортиқ захирада қолмоқчи эмас. У кўпроқ ўйин амалиётига эга чиқиш учун бошқа жамоага ўтишини мадриликлар раҳбариятига айтган.
Манбага кўра, 22 ёшли дарвозабонга бир вақтнинг ўзида Европанинг учта клуби қизиқиш билдирмоқда. Андрейни Испаниянинг “Эспаньол” ва “Гранада” клублари, шунингдек, Франциянинг “Лилль” жамоаси ҳам ўз сафига қўшиб олмоқчи.
Аввалроқ Луниннинг Дортмунднинг “Боруссия” клубига ўтиши мумкинлиги ҳақида хабарлар тарқалган эди.
Transfermarkt портали украиналикнинг нархини 3 миллион еврога баҳолаган. Андрейнинг “қаймоқранглилар” билан амалдаги шартномаси 2024 йилнинг ўрталарига қадар тузилган.
