Madridning “Real” klubida zaxira posboni Andrey Lunin kelasi transfer mavsumida boshqa jamoaga o‘tishi mumkin. Bu haqda “Euro Football” nashri xabar bermoqda. Xabarlarga ko‘ra, ukrainalik kiper klubdagi jamoadoshi Tibo Kurtua sabab ortiq zaxirada qolmoqchi emas. U ko‘proq o‘yin amaliyotiga ega chiqish uchun boshqa jamoaga o‘tishini madriliklar rahbariyatiga aytgan.

Manbaga ko‘ra, 22 yoshli darvozabonga bir vaqtning o‘zida Yevropaning uchta klubi qiziqish bildirmoqda. Andreyni Ispaniyaning “Espanyol” va “Granada” klublari, shuningdek, Fransiyaning “Lill” jamoasi ham o‘z safiga qo‘shib olmoqchi.

Avvalroq Luninning Dortmundning “Borussiya” klubiga o‘tishi mumkinligi haqida xabarlar tarqalgan edi.

Transfermarkt portali ukrainalikning narxini 3 million yevroga baholagan. Andreyning “qaymoqranglilar” bilan amaldagi shartnomasi 2024 yilning o‘rtalariga qadar tuzilgan.