Суперлиганинг 25-турида "аждарлар Жиззахнинг "Сўғдиёна" жамоаси меҳмони бўлади. Ўйин 20 ноябрь куни Жиззахдаги "Сўғдиёна" стадионида бўлиб ўтади. Баҳс соат 14:00 да бошланади.
Бу беллашув жамоалар учун жорий мавсумдаги тўртинчи беллашув бўлади. Қаршиликлар Суперлиганинг биринчи даврасида Жиззах жамоасини ўз уйида 1:0 ҳисобида таслим этган бўлса, Ўзбекистон кубоги гуруҳ босқичида 2:2 ҳисоби қайд этилган. Жамоалар Ўзбекистон Кубоги 1/4 финалида яна бир-бирларига рўбаро келишди. Жиззахда бўлиб ўтган баҳсда "Насаф" минимал 0:1 ҳисобида ғалаба қозониб ярим финалга йўл олди.
Ўзаро учрашувлар тарихидан
Ушбу жамоалар Ўзбекистон чемпионатида ҳозирга қадар 43 бор куч синашишган. Яққол устунлик "аждарлар" томонида. Бўлиб ўтган 33 учрашувда "Насаф", 8 ўйинда эса жиззахликлар ғалаба қозонишган. 2 учрашувда эса дуранг натижа қайд этилган.
Тўплар нисбати 36:91 га тенг. Устунлик яна "Насаф" тарафида.
Ўзаро учрашувларда қайд этилган энг юқори ҳисоблар қуйидагича: "Насаф" – "Сўғдиёна" 4:0, "Сўғдиёна" - "Насаф" 3:1.
Жамоалар сўнги бор Суперлигада 2021 йили 4 июл куни Қаршида беллашишган. Бу учрашувда "аждарлар" 1:0 ғалаба қозонишган. Беллашувдаги ягона голга Ҳусайн Норчаев муаллифлик қилган.
Эътиборингизга, Ўзбекистон чемпионатида жамоалар иштирокидаги сўнгги беш учрашувнинг натижаларини ҳавола қиламиз:
04.07.2021 Насаф — Сўғдиёна 1:0
20.11.2020 Сўғдиёна — Насаф 3:1
17.08.2020 Насаф — Сўғдиёна 3:0
27.11.2019 Сўғдиёна — Насаф 1:1
31.03.2019 Насаф— Сўғдиёна 3:1
