Superliganing 25-turida "ajdarlar Jizzaxning "So‘g‘diyona" jamoasi mehmoni bo‘ladi. O‘yin 20 noyabr kuni Jizzaxdagi "So‘g‘diyona" stadionida bo‘lib o‘tadi. Bahs soat 14:00 da boshlanadi.
Bu bellashuv jamoalar uchun joriy mavsumdagi to‘rtinchi bellashuv bo‘ladi. Qarshiliklar Superliganing birinchi davrasida Jizzax jamoasini o‘z uyida 1:0 hisobida taslim etgan bo‘lsa, O‘zbekiston kubogi guruh bosqichida 2:2 hisobi qayd etilgan. Jamoalar O‘zbekiston Kubogi 1/4 finalida yana bir-birlariga ro‘baro kelishdi. Jizzaxda bo‘lib o‘tgan bahsda "Nasaf" minimal 0:1 hisobida g‘alaba qozonib yarim finalga yo‘l oldi.
O‘zaro uchrashuvlar tarixidan
Ushbu jamoalar O‘zbekiston chempionatida hozirga qadar 43 bor kuch sinashishgan. Yaqqol ustunlik "ajdarlar" tomonida. Bo‘lib o‘tgan 33 uchrashuvda "Nasaf", 8 o‘yinda esa jizzaxliklar g‘alaba qozonishgan. 2 uchrashuvda esa durang natija qayd etilgan.
To‘plar nisbati 36:91 ga teng. Ustunlik yana "Nasaf" tarafida.
O‘zaro uchrashuvlarda qayd etilgan eng yuqori hisoblar quyidagicha: "Nasaf" – "So‘g‘diyona" 4:0, "So‘g‘diyona" - "Nasaf" 3:1.
Jamoalar so‘ngi bor Superligada 2021 yili 4 iyul kuni Qarshida bellashishgan. Bu uchrashuvda "ajdarlar" 1:0 g‘alaba qozonishgan. Bellashuvdagi yagona golga Husayn Norchayev mualliflik qilgan.
E’tiboringizga, O‘zbekiston chempionatida jamoalar ishtirokidagi so‘nggi besh uchrashuvning natijalarini havola qilamiz:
04.07.2021 Nasaf — So‘g‘diyona 1:0
20.11.2020 So‘g‘diyona — Nasaf 3:1
17.08.2020 Nasaf — So‘g‘diyona 3:0
27.11.2019 So‘g‘diyona — Nasaf 1:1
31.03.2019 Nasaf— So‘g‘diyona 3:1
