Миланнинг «Интер» клуби «Айнтрахт» футболчиси Филипп Костичга қизиқиш билдирмоқда. Сербиялик футболчининг немис клуби билан шартномаси 2023 йилгача мўлжалланган. 29 ёшли футболчининг трансфер қиймати 20 миллион еврони ташкил қилади.
Жорий мавсумда вингер Франкфуртнинг «Айнтрахт» клуби сафида 10 та ўйинда майдонга тушиб, 2 та гол урди ва 4 та голли узатмани амалга оширди. Миланликлар унга Премьер-лига клубларидан қизиқишлар бўлаётганига қарамай, келаси ёзда сербиялик футболчини ўз жамоасига қўшиб олишга тайёр.
