Пеп Гвардиола "Эвертон"га қарши баҳсдан кейин икки футболчисини алоҳида таъкидлади. Испаниялик мутахассис Родрининг голи ҳақида:
"Ҳа, ҳақиқатдан ҳам кутилмаган ва ажойиб гол. Ўйинда бир жамоа фақат ҳимояланганида, ҳужум қилаётган томонга осон бўлмайди. Вазият сиздан огоҳликни талаб этади. Родри каби футболчиларимизнинг сифатли ҳаракатлари билан ўйинни юта олдик. Бундан хурсандман", дейди.
Шунингдек, Пеп 19 ёшли Кол Палмер ўйинини эътибордан четда қолдирмади: "У деярли 90 дақиқа майдонда ҳаракат қилди. Колнинг тажрибаси ортиб бормоқда. Унда ажойиб иқтидор мавжуд. Таркибда жой камлиги у каби футболчиларга имкон беришни қийинлаштиради. Аммо ҳаракат орқали келажакда асосий таркибга кириш мумкин. Мен бугун ундан хурсандман".
"Эвертон"га қарши баҳсни "Ман Сити" 77 фоиз тўпга эгалик билан якунлади. Шунингдек, учта ажойиб гол билан ҳам.
