Мюнхеннинг “Бавария” клубининг польшалик ҳужумчиси Роберт Левандовски Италиянинг “Tuttosport” нашри талқинига кўра 2021 йилнинг энг яхши футболчиси деб топилди.
13 декабрь куни Туринда фахрий тантанали маросим бўлиб ўтади ва унда поляк “Олтин ўйинчи” совринини олади. Фахрий соврин учун курашда Левандовски иккинчи ўринни эгаллаган италиялик Жоржиньо (“Челси”) ва учинчи ўринни эгаллаган аргентиналик Лионель Мессини («ПСЖ») ортда қолдирди.
Жорий мавсумда 33 ёшли Левандовски “Бавария” сафида барча турнирларда 18 та ўйин ўтказиб, 24 та гол урди ва 2 та голли узатмани амалга оширди.
