Myunxenning “Bavariya” klubining polshalik hujumchisi Robert Levandovski Italiyaning “Tuttosport” nashri talqiniga ko‘ra 2021 yilning eng yaxshi futbolchisi deb topildi.
13 dekabr kuni Turinda faxriy tantanali marosim bo‘lib o‘tadi va unda polyak “Oltin o‘yinchi” sovrinini oladi. Faxriy sovrin uchun kurashda Levandovski ikkinchi o‘rinni egallagan italiyalik Jorjinyo (“Chelsi”) va uchinchi o‘rinni egallagan argentinalik Lionel Messini («PSJ») ortda qoldirdi.
Joriy mavsumda 33 yoshli Levandovski “Bavariya” safida barcha turnirlarda 18 ta o‘yin o‘tkazib, 24 ta gol urdi va 2 ta golli uzatmani amalga oshirdi.
