"Манчестер Юнайтед" Эрнесто Вальверде билан дастлабки музокараларни ўтказди. Испаниялик мутахассис жамоа вақтинчалик бош мураббийлигига даъвогарлардан бири, дея хабар беради Британиянинг "The Guardian" нашри.
Вальверде “Барселона”ни 2017 йилнинг майидан 2020 йилнинг январигача бошқарган ва икки марта Испания чемпионати ва бир марта Испания кубоги соҳиби бўлган.
Эслатиб ўтамиз, 21 ноябрь куни норвегиялик мутахассис Оле-Гуннар Сулшер “Манчестер Юнайтед” бош мураббийлигидан озод қилинган эди. Жамоа унинг ўрнига бир қатор мураббийларнинг вариантларини ўрганиб чиқмоқда.
