"Барселона" бош мураббийи Хави жамоанинг "Бавария" билан Чемпионлар лигасида ғалаба қозониш имкониятлари ҳақида гапирди.
"Жамоанинг "Бенфика"га қарши ўйини менга оптимизм берди. Агар шундай ўйнасак, ҳамма билан рақобатлаша оламиз.
Бу ўйинни ҳисобга олсак, Мюнхенда ғалаба қозонишимиз мумкин. Бу ҳали ҳам ўзимизга боғлиқ, бу яхши янгилик", - деди мураббий.
"Бавария" аллақачон биринчи ўринни олиб плей-оффга чиққан. "Барселона" 7 очко жамғариб, иккинчи ўринда бормоқда. Киевнинг "Динамо"си билан ўз майдонида ўйнайдиган "Бенфика" ҳисобида 5 очко бор, 1 очкога эга киевликларнинг ҳеч нарсага даъвоси йўқ.
